522011 Vaksin
Valmynd

JÓLAMYNDIN HJÁ BARNABATA

Stuðla Jólahjálpini hjá Barnabata

Nógv børn í Føroyum merkja sviðan av at dagliga liva undir fíggjarliga trongum korum. Barnabati fer aftur í ár at savna pening inn til hesar familjur, nú tað stundar til jóla.

Jólamyndin, sum eisini er ein lutaseðil, verður send út til hvørt húsarhald í Føroyum saman við lýsingarblaðnum, ið verður borið út fyrstu dagarnar í heystfrítíðini.
Í ár hevur Maria Rud Jensen teknað jólamyndina.

Soleiðis skrásetir tú jólamyndina
Á Heimasíðuni:
Í teigunum omanfyri velur tú eina upphædd, trýstur á stuðla knøttin, síðani skrivar tú navn, teldupost og nummari á Jólamyndini. Tú trýstur á Víðari, og síðani er bert eftir at útfylla gjaldskortupplýsingar, og Jólamyndin er skrásett, samstundis sum tú hevur stuðla fíggjarliga sperdum børnum.

Við Netbankanum:
Tú kanst eisini stuðla Jólahjálpini við at flyta minst 100,- á konto 9181 – 130.388.2 og viðmerkja nummarið á jólamyndini.

Jólahjálpin seinastu árini

Barnabati yvirtók virksemi hjá grunninum Í Menniskjur Góður Tokki um ársskiftið 2015, og hevur síðani savna pening inn til fíggjarligar sperdar barnafamiljur í Føroyum. Hetta virksemi er mest umfatandi tá ið jólini stunda til, tí tá verður savna inn til árligu Jólahjálpina. Umframt Jólahjálp, so verður tað eisini veitt hjálp til føðingardagar, og hjálp til frítíðarítriv. Eitt nú limagjald til ítróttarfeløg. Í 2016 vóru tað umleið 465 børn í føroyum, ið fingu ágóðan av tykkara stuðli. Í 2017 vóru tað 455 børn og í 2018 vóru tað 500 børn. Enn er tað nógv, ið bendir á, at tað er stórur tørvur á fíggjarligar hjálp til nógvar barnafamiljur í Føroyum, og Barnabati hevur sett sær sum mál, at halda áfram við hesum virkseminum, til vit eingi barn í Føroyum kennir sviðan av at liva í trongum fíggjarligum korum.

Rým til YouTube