Góða ‘anonyma’!
Takk fyri brævið. Tú sigur, at tú hevur eina vinkonu, sum ikki tolir, at tú ert saman við øðrum vinkonum enn henni. Og sum eg skilji, so hevur hon einaferð oyðilagt  vinarlagið ímillum teg og eina aðra vinkonu og ætlar nú at gera tað aftur. Og tú vilt fegin hava ráð um, hvat tú skalt gera.

Eg vil uttan iva ráða tær til ikki einaferð aftur at lata teg stýra av vinkonuni. Kanska er tað ringt, men tað hevur týdning fyri teg, at tú sjálv gert av, hvat tú gert. Tað verður tú glað fyri og eisini stolt av. Tú verður tá nógv glaðari fyri teg sjálva. Tað skalt tú royna at kempa við og læra teg. Vinkona tín skal ikki sleppa at avgera, hvønn tú skalt vera saman við. Tað mástskalt tú sjálv avgera. Hon skal ikki sleppa at skumpa tína nýggju vinkonu burtur frá tær. Um tú hevur hug, at vera saman við tíni nýggju vinkonu, so skalt tú eisini sleppa at vera tað.

Góða eydnu.

Vinarliga

Tú & Eg Ráðgevingin