Góða “Babba er alkoholikkari”
Tað er ordiliga gott, at tú skrivar inn til okkara og greiðir okkum frá tínum trupulleikum.
Eg skilji væl, at tú ert kedd um at pápi tín er alkoholikari, og at tú ert bangin fyri pápa tínum.
Tað er skaðiligt fyri børn at búgva saman við foreldrum, sum drekka ov nógv, tí børnini blíva bangin og ótrygg.
Tað at pápi tín misbrúkar teg kynsliga er ikki loyvt og skal steðgast beinanvegin.  Tú skrivar at tú 
ikki torir at fortelja mammu tínari at pápi tín misbrúkar teg. Tað kann vera ógvuliga ringt at fortelja mammu síni hetta. Tað er eisini í lagi, at tú tosar við onkran annan um tað. Tað er sera umráðandi, at tú fortelur onkrum øðrum vaksnum um hesi tingini, soleiðis at onkur kann hjálpa tær at fáa hetta at steðga. Um tú ikki veitst, hvussu tú skalt fortelja tað fyri nøkrum, kanst tú altíð printa hetta brævið út og vísa tað fyri onkrum vaksnum, sum tú tosar væl við, til dømis heilsusystrini á skúlanum ella kanska einum lærara. Tað er teirra uppgáva at hjálpa børnum, sum hava trupulleikar.
Tú hevur so nógv loyndarmál at bera sjálv, at tað er neyðugt hjá tær at fáa hjálp skjótast gjørligt. 
Um hetta svarið ikki hjálpir tær víðari, vóni eg at tú ringir til okkara ráðgeving, soleiðis at vit kunnu hjálpa tær víðari. Tú kanst sjálv bestemma, um tú vilt siga, hvør tú ert ella ikki.

Vinarliga
Tú & Eg Ráðgevingin