Góða ‘bi’in’
Ikki er tað lætt, tá man følir at hugburðir og virðir hjá einum ikki verða møttir. Tí er tað væl skiljandi, at tú verður kedd tá vinkonurnar hjá tær ikki taka teg seriøst.
Bara tað at skulla tosa um seksualitetin hjá hvørjum einstakum, er nakað heilt persónligt og ikki líka lætt hjá øllum. Tí er tað eisini nakað sum kann gera ein ógvuliga ósikran. So tað at vinkonurnar hjá tær ikki taka teg og tín seksualitet seriøst, kann møguliga snúgva seg um ósikkurheit frá teirra síðu. Gev teimum tíð at venja seg við tankan. Og sig, at tú hevur brúk fyri teirra stuðli og vinarlagi nú. Tú kanst eisini fortelja teimum hvussu tú hevur tað, tá tær ikki taka teg seriøst. Ikki hugsa um at skula finna nýggjar vinir av hesi orsøk.

Alt tað besta.

Tú & Eg Ráðgevingin