Sjálvandi skal tú fylgja dreyminum. Tað tú kanst gera í tí sambandi, er at fortelja vinunum hjá tær, hvat tað er tú hevur hugsað tær, og hví tú vil flyta lið. Tá tær dámar so væl fimleik, so er tað umráðandi at tú eisini sleppur at royna teg og fylgja tínum dreymum og tað kanst tú gera, samstundis sum tú framhaldandi hevur eitt gott samband við vinfólkini. Tað kundi eisini verið eitt hugskot at sagt við venjaran og foreldrini hjá tær hvussu tú hevur tað við at flyta lið, hví tú velur at gera tað og hvørjar tankar tú hevur gjørt tær. Tað hjálpir ofta at vera opin og erligur, serliga tá man skal taka støðu til okkurt trupult og nýtt.

Góða eydnu við øllum!
Tú & Eg Ráðgevingin