Spurnarkassin: Genta, 15 ár spyr

Eg!

Spurningur:

Kann ein fáa eina kynssjúku, tá ein fer í song saman fyrstu ferð, um ein ikki nýtir hít?

Svar:

Góða Eg!
Um talan er um fyrstu ferð hjá báðum, bera tey neyvan uppá eina kynssjúku, men tað er ikki 100%. Til dømis, kunnu bæði klamydia (ein bakteriu-sjúka) og herpes (ein virus-sjúka) smitta um vánaligt reinføri er , sum til dømis, at brúka sama lappa at vaska sær við. Tað vil siga, at ein, sum ikki hevur havt kynsligt samband, kann bera uppá eina kynssjúku, men hettar er sjáldsamt. At enda er vert at minnast til,  at ein kann gerast við barn fyrstu ferð, ið ein fer i song saman,  so best er at verja seg við hít.

Vinarliga Tú & Eg Ráðgevingin