Góða tú

Takk fyri brævið, og vónandi hjálpir tað at koma út við hesum upp á hendan mátan, tí tað ljóðar eitt sindur tungt at vera tú.

Sum tú nokk veitst, so loysir tað ongar trupulleikar at taka lívið av sær, og tí vóni eg, at tú hevur slept teimum ætlanunum. Men eg haldi, at tú skalt fáa tær hjálp, tí tú stendur við nógvum beint nú. Tú kanst fara til heilsusystrina á skúlanum, ella tosa við onkran annan vaksnan, ið tú hevur álit á. Um tú ikki vilt ta, so haldi eg, at tú skalt royna at ringja til Tú og Eg Ráðgevingina hjá Barnabata á tlf. 116 111 – hon er opin mánadag til fríggjadag kl. 10-16 og aftur kl. 20-22. Tú behøvist ikki at siga, hvør tú ert, um tú ikki vilt tað. Men tað kann vera ein annar góður máti at koma út við tí, sum tú stendur í, og samstundis fáa góð ráð til, hvat tú kanst gera við tað.

Alt tað besta til tín.