Góði tú
Takk fyri brævið.
Tað er gott, at tú sjálvur ynskir at leggja av, hóast tað ljóðar til at vera trupult hjá tær. Tað eru nógv ung fólk, ið eru bundin at snúsi, men tað eru ráð fyri tí.
Sum nevnt er tað gott og umráðandi, at tú sjálvur ynskir at gevast. Næsta stigið, tú kanst taka, er at tosa við foreldrini hjá tær ella kanska kommunulæknan um forbrúkið hjá tær, tí tað er nokkso høgt. Tað kann vera trupult at bróta vanar – serliga tá man er stressaður – men man kann spakuliga trappa niður og gevast við tí. Tú kanst brúka nikotin-tyggigummi ella nikotin-plástur at byrja við. Hetta kanst tú fáa vegleiðing um á Apotekinum, har tú keypir tað. Um tað ikki riggar, so hevði eg viðmælt tær at sett teg í samband við kommunulæknan hjá tær. Tað finnast eisini nakrar app’ir, ið kunnu hjálpa. Ein av hesum er XHALE, ið tú kanst downloada og royna.
Góða eydnu – vónandi eydnast tær at koma burtur úr snúsinum.
Vinarliga,
Annika
