Hey EMO
Tú vilt hava okkum at siga tær præcis hvat EMO er. So frægt sum eg veit, so var EMO upprunaliga eitt slag av tónleiki sum kom fram í 80´unum, og sum var inspirerað av hørðum punki og sum hevði fokus á kenslur. Kanska serliga tungar kenslur, um hjartasorg , ótta, sjálvmorð, mista trúgv uppá lívið o.s.fr. Men, EMO er eisini ein stílur.  Svørt klæði, svart hár (helst við fruntinum niður fyri eyguni) og nógva svarta sminku. At vera EMO er ikki negativt. Tvørturímóti er tað móti, serliga í U.S.A. Men, av tí at tær tungu kenslurnar vera dyrkaðar, er til dømis tað at skera seg sjálva, og onnur destruktiv atferð, útbreidd í EMO umhvørvum. Og tað er ikki so gott.

Um tú kennir teg sum ein EMO, um tú dámar EMOtónleik og um tú hevur EMOstíl, jamen so ert tú EMO. Ein glað EMO, deiligt.

Eg skilji væl at tú ynskir at tit eru fleiri sum hava sama áhuga fyri EMO. Tað er stuttligast at vera fleiri. Men um eingin annar er EMO har sum tú býrt, so fært tú kanska ikki gjørt so nógv við tað. Tó, so kann tað vera, at tú kundi fingið samband við onnnur sum hava tíni áhugamál á netinum? Tað góða er at tú hevur onkur vinfólk sum tær dámar at vera saman við, hóast tey ikki eru sum tú. Og hóast tað ikki er lætt at vera eitt sindur øðrvísi, so skalt tú vera tann tú er, og vera stolt av tí!

Vinarliga
Tú & Eg Ráðgevingin.