Eg dugi ikki at siga tær, hvussu tað ber til, at hasin drongurin fekk seg til at vera saman við tveimum gentum í senn. Men í øllum førum, so er hann ikki nakað at samla uppá, so tað er gott, at tú slapst tær av við hann! Tá ið hann ger sovorðið, so er tað nokk tí at hann ikki hevur verið nóg áhugaður í tær ella í hinari. Og soleiðis er tað viðhvørt. Hatta kunnu bæði gentur og dreingir finna uppá at gera, men tíbetur, so eru teir flestu dreingirnir fittir, og til at stóla uppá. So, tú mást ikki missa mótið orsakað av, at tú hevur verið óheppin við EINUM drongi. Tað eru massar av fittum drongjum har úti, og har er heilt sikkurt eisini onkur til tín!
Alt tað besta og góða eydnu.
Tú & Eg Ráðgevingin
