Halló Gellan “!
Tað er natúrligt at forelska seg viðhvørt og eisini at forelskilsi heldur uppat aftur. Men tað er ikki natúrligt at skera seg fyri at steðga forelskilsinum og fyri at gloyma tann, ein var forelskaður í.

Tú tykist mær at vera ungur tannáringur, ið skal finna útav, hvat tú skalt gera við forelskilsi. Tær nýtist ofta ikki at gera annað enn onkurvegna at vísa dronginum, at tær dámar hann. Tú kanst til dømis bjóða honum tyggigummi og práta við hann, spyrja um hann tímir at koma at sparka fótbólt (ella okkurt annað) saman við tær og vinunum. Ella okkurt annað, ið vísir honum, at tú ert áhugað. So kanst tú finna út av, um hann tú velur, eisini er áhugaður í tær.

Viðvíkjandi at tú skerur í teg, haldi eg, at tú skuldi tikið eitt prát við ein vaksnan, tað verði seg foreldrini hjá tær, heilsusysturin á skúlanum ella kanska ein av leiðarunum í ungdómsmøtinum. Tað loysir ikki nakran trupuleika at skera teg, tvørtur ímóti. Men tað kann hjálpa líka at práta við onkran um hvat tað er sum nívur teg.

Góða eydnu!
Tú & Eg Ráðgevingin