Góða tú!
Takk fyri brævið! Tað er gott, at tú roynir at gera okkurt, fyri at fáa hjálp. At steðga happing sjálv er ikki lætt fyri teg ella nakran annan, ið verður happaður, og tí vil eg biðja teg um at siga tað við onkran vaksnan, ið tær dámar væl at tosa við og sum tú kanst rokna við, fer at hjálpa tær.  Her hugsi eg um tíni foreldur, lærara, heilsufrøðingin í tínum skúla ella onkran annan. Happing er ikki nakað, ið børnini, ið verða happað, sjálvi skulu klára at steðga, og tá tað er rættiliga skaðiligt fyri børn at uppliva happing, skal happingin steðgast skjótast til ber, við hjálp frá øðrum. Tú ert vælkomin at kjatta við okkum ella ringja, um tú fært brúk fyri tí.

Blíðar heilsur
Tú & Eg Ráðgevingin