Hey!
Hetta við at barbera sær kann vera eitt sindur torført til tíðir, serliga undir ørmunum, tí húðin kann vera nokkso tunn har, og so er økið ikki so slætt, sum til dømis á beinunum. Tað er eisini heilt vanligt, at tað eru stubbar eftir, serliga um tú ikki er so von við at barbera tær. Tað tú skal hugsa um er, at gera tað varisliga og geva tær góða tíð. Eisini er umráðandi at hava eitt gott barberblað og gott barberskúm. Tað er eisini umráðandi at halda barberblaðið reint, til dømis við at skolda tað við heitum vatni áðrenn og aftaná tú brúkar tað. Summi brúka voks ístaðin fyri at raka sær… tað er ein smak sak, hvat man dámar best, og hvat man heldur riggar best. Men báðir hættir krevja eitt sindur av venjing. Júst hvat tað besta produktið er, kann eg ikki siga tær. Men tað kanst tú fáa vegleiðing í, í teimum handlunum har tú kanst keypa hesar vørur, til dømis Heilsa í SMS ella Drós um tú nú býrt í Havn. Tú kanst eisini keypa produktini í øllum vanligum matvøruhandlum.

Góða eydnu og góðan túr til Spanien!

Tú & Eg Ráðgevingin