Hey hey :)! 
Sum tað er herligt, at tú ert so forelskað í einum dreingi í skúlanum, og at hann vísir tær áhuga. So halt áfram við at vísa, at tú hevur hug at tosa við hann, royn at vera har, sum hann eisini er, fá eygnakontakt og gev honum eitt smíl!  Kann henda seg, at tit skjótt fara at siga hey og mest sum av tilvild koma at fylgjast eftir gongini til dømis. Tað er sera nógv at tosa um, hvar gongur leiðin, tosa um tykkara skúlaarbeiði, um lærararnar, nær tit eru liðug og hvat tit so gera. Tosa um áhugamál t.d. tónleik, ítrótt, film, útbúgvingar seinni,  ja tykkara dreymar fyri framtíðina ella bara okkurt stuttligt, sum tit hava hug at tosa um og bæði tíma at tosa um.
Góða eydnu og gev tær góða tíð at njóta støðuna!

Heilsan
Tú & Eg Ráðgevingin