Góða tú!
Takk fyri brævið, sum er merkt av, at tú ert um at geva upp, men allíkavæl gert eina roynd fyri at fáa tað betri. Soleiðis sum tín gerandisdagur er fyri teg, verður tú noydd at biðja um hjálp skjótast til ber. Tað er einki at bíða við. Tað eru fleiri vaksin rundan um teg, sum tú kanst biðja hjálpa tær. Tað eru fyrst og fremst tíni foreldur, ið hava ábyrgd av, at tú hevur tað gott, altso at tú ikki ert einsamøll og kedd. Eg veit ikki, um tú verður happað, men tú hevur eingi vinfólk, og tað er ein stórur trupulleiki at hava, serliga tá ein er tannáringur sum tú. Um tú ikki følir, at tað hjálpir at tosa við tíni foreldur, kanst tú venda tær til heilsufrøðingin í skúlanum.  Hon kann møguliga hjálpa tær at tosa við tíni foreldur  ella kunnu tit báðar  tosað saman um, hvussu tú kanst fáa tað betri. Hvat tú kanst gera sjálv og hvat hon og onnur kunnu hjálpa tær við. Tú kanst altíð ringa til okkum. Tað er ein góð donsk heimasíða til ung, ið kenna seg einsamøll. Hon eitur www.ventilen.dk

Bestu heilsur Tú & Eg Ráðgevingin