Hey tú, ið elskar sjeikin hjá tær!
Takk fyri brævið, har tú setir nakrar spurningar, ið nógv ung ivast í! Tú hevur fleiri spurningar um sáð spin kann gera teg við barn, um tað ikki kemur inn i vagina. Tit hava tað t.d. á hendurnar ella tætt uppá kynsgøgnini. Tað stutta svarið er teoretisk ja, um tú ert um ta tíðina í mánaðanum, tá eggið loysnar frá eggrótini, og tað vil siga áleið 14 dagar, áðrenn mánasjúkan kemur. At kenna hesa tíðina akkurát, vil altíð vera ósikkurt. Størsti vandin fyri at gerast við barn ella møguleiki er nogv minni tætt upp undir menstruation ella tá hon er við at vera liðug. Eg vil avgjørt ráða tær til at fara at brúka P-pillarar, eftirsum tit ofta fara i song saman. Bið um tíð hjá tínum lækna , tú kanst hava sjeikin við ella eitt av tínum foreldrum, ella kanst tú fara sjálv. Tú spyrt, um penis kann gerast tómur aftaná eina útloysingejakulation, og har er svarið nei. Um tit hava samlegu beint aftaná, kann koma ein nýggja útloysing, sum livandi sáðkyknur eru í og tú kann gerast við barn.., So aftur brúka eina trygga fyribyrging, og tað er p-bollar. Tað er heilt vanligt at mánasjúkan verður seinkað , tá tú hevur tikið angribolla, tí tað er ein sterk hormonviðgerð, men tað er ikki vandamikið. Tað er so eisini ein grund til, at angripillarir ikki má brúkast sum fyribyrging, men bert, tá tað gongur galið, altso hítin skrædnar ella liggur á náttborðinum og ikki á penis. At enda sigur tú , at sjeikurin tolir lítið av og ofta er súrur, og um dreingir vanliga eru so. Nú rokni eg við , at hann eisini er tannáringur og so er tað heilt vanligt, at sinnalagið skiftir ofta. Tað er ikki so lætt knappliga at taka ábyrgd sum ein vaksin og litlar royndir at hava við parlagi. Eg vil ráða tykkum til ikki at vera alt ov nogv saman, men halda áfram at vera saman við vinum og vinkonum og fáast við ítriv ella áhugamál, ið tit hava hvør í sínum lagi og saman. Um tit fáa trupuleikarhann er súrur , so mugu tit royna at at tosa opið um tað.
Annars deiligt at hoyra, at tit eru so góð hvørt við annað,
Heilsan Tú & Eg Ráðgevingin
