Hey ‘hug’!
Um daman hjá tær ikki hevur hug til tað sum tú hevur hug til, so er ikki nógv annað at gera hjá tær enn at góðtaka tað. Eingin eigur at trýstast til nakað, sum tey ikki eru klár til.
Tú skrivar ikki hvat tað er, sum hon ikki hevur hug til. Men kanska tú kanst royna at tosa við hana um, hvat tað er heilt nágreiniliga, sum hon ikki hevur hug til, og um hon kanska hevur hug til onnur ting enn tað sum tú hevur í tonkunum. Fyri at tað skal vera eitt gott upplivilsi hjá tykkum báðum at vera saman kynsliga, er tað umráðandi, at báðir partar hava hug til tað sum tit gera.
Vónandi er hetta eitt nøktandi svar. Tú kanst lesa meira um kynslív inni á www.sexualoplysning.dk, og www.sexlinien.dk.

Vinarliga,
Tú & Eg Ráðgevingin