Góði ‘hvat er happing’
Tað er gott, at tú skrivar um hetta evnið, tí tú ert nokk ikki einsamallur um hendan trupulleikan.
Bæði vaksin og børn kunnu happa og verða happaði.
Tá ein lærari ger seg inná næmingar, og sigur við hini børnini, at tey ikki skulu fylgjast við einum næmingi, kann tað væl vera happing.
Tú nevnir, at lærarin slær næmingar. Tað er eitt álvarsamt lógarbrot, sum okkurt má gerast við. Eitt tú kanst gera, er tosa við flokslæraran. Bið hann um ein fund við teg, har tú kanst fortelja um tínar trupulleikar. Um tú ikki hevur álit á flokslæraranum, kanst tú tosa við onkran annan lærara ella skúlastjóran.
Skúlastjórin hevur ábyrgd av lærarunum, og um ein lærari ger nakað galið, eigur stjórin at tosa við hann.
Tú sigur, at tú verður fratørur og brúkar ljótan munn, og at lærarin eisini ger tað. Tað loysir onki at banna og blóta, man kemur nógv longur við at tosa pent saman. Tað kann vera at flokslærin ella stjórin kann hjálpa tykkum at tosa saman og loysa konfliktirnar, sum eru millum teg og læraran. So kunnu tit eisin tosa um, hví hann biður hinar næmingarnar halda seg frá tær.
Foreldur kunnu altíð hjálpa, um børnini hava trupulleikar. Tað loysir seg altíð at tosa saman um trupulleikar. So um tú ikki torir at tosa við nakran lærara, kanst tú altíð biðja tíni foreldur seta seg í samband við skúlan.
Tú ert altíð vælkomin at skriva aftur ella ringja til okkum á 116 111
Tú & Eg Ráðgevingin
