Kyn: female
Aldur: 15

Hvussu kann eg sleppa undan at verða happað? Hey “Hvat kann EG gera!” Uha, hatta er ein sera torførur spurningur, sum eg vildi ynskt at eg hevði eitt greitt svar uppá og at eg uppá tann mátan fekk hjálpt øllum børnum og ungum ið verða happaði. Okkurt av tí eg nú fari at siga tær, hevur tú heilt víst hoyrt fyrr. Møguliga alt. Men, happing er nakað undarligt nakað. Hví verður tú happað og hví verði eg ikki happað? Hví happa summi síni vinfólk, ímeðan onnur ikki hava brúk fyri at seta niður á nakran? Eg vildi ynskt at tú segði eitt sindur meira um teg sjálva og hvussu tú hevur tað. Kanst tú ikki skriva aftur til okkum og siga meira um til dømis hvussu leingi tú ert blivin happað, hvør tað er sum happar teg, og hvar tú verður happað?

Góða Genta
Tú skrivar EG við stórum bókstavum og tað er gott. Og at tú skrivar inn til okkara og spyr um ráð vísir eisini, at tú torir at gera nakað við tína støðu. Og tað mást tú og tað eigur tú at gera. Eingin skal finna seg í at verða happað. Tað allar besta er at tú tosar við onkran vaksnan. Fyrst og fremst við foreldrini. Ber tað ikki til, tosa so við ein lærara sum tær dámar væl ella við heilsusystrina á skúlanum (um tit hava eina). Tí happingin skal steðgast og verður tú til dømis happa í skúlanum so hava lærarnir skyldu til at gera okkurt við málið.

Við vón um at tú skrivar aftur.
Vinarliga
Tú & Eg Ráðgevingin

Eri eg ov gamal?

Beiggji mín

Eg havi brúk fyri hjalp

Eg

vinkonan

Barnarættindi

Ólógligt

Svara skjótt

Eg vil til lækna

Heta er mít lív…

Niels Finsensgøta 32. 2H
FO-110 Tórshavn
Telefon: +298 610140
Email: barnabati@barnabati.fo
V-tal: 333522
Kontonr.: 9181 – 130.388.2