Góðasta tú sum ert í neyð!
Har er bara EITT at gera, og tað er vera fullkomiliga líkaglað við um pápi tín verður svakur. Tú MÁST siga tað við onkran vaksnan, sum kann hjálpa tær við at koma burturúr hasum ræðuliga, tú ert úti fyri. Hatta er nakað sum kann vera torført at fortelja fyri nøkrum, men royn allíkavæl. Hugsa um hvat tað er tú vil siga og hugsa teg væl um hvønn tað er sum tú vilt siga tað við. Tað besta er, um tað er onkur uttanfyri nærmastu familjuna, kanst tú koma í tankar um onkran? Er ikki onkur vaksin, sum tú stólar uppá, og sum ikki er bangin fyri pápa tínum? Hatta, sum pápi tín ger er ólógligt, og hann má ikki sleppa at fara soleiðis við tær. Tú ert sannliga í neyð! Og tí mást tú siga tað við ein vaksnan skjótast gjørligt. Og so mugu tit finna útav, hvussu tú sleppur undan, at tað nakrantíð hendir aftur.

Bestu heilsur og skriva endiliga aftur um tørvur er á tí.

Tú & Eg Ráðgevingin