Túsund takk fyri brævið! Tað ljóðar ikki sum um tú hevur tað so lætt til dagligt, so tað er væl skilligt, at tú ikki følir teg glaða. Tí fyri at kunna trívast og hava tað gott, skal man eisini føla at man hoyrir til eitt ella annað stað. Og sum tað ljóðar á tínum brævi, so manglar tað í tínum gerandisdegi. Tað hevði verið ynskiligt, um tú skrivaði hvat tað er sum tú hevur áhuga fyri, tí tað kann vera, at tú kundi funnið onkran við somu áhugamálum sum tú, ella at vit kundi leiðbeint teg onkursvegna. So skriva ella ring aftur, so kann verða at vit kunnu leiðbeina teg eitt sindur betri.
Eitt annað tú kanst gera, er at spyrja vinkonu tína, um tit ikki eisini kunnu gera okkurt sum tú hevur áhuga fyri, soleiðis at tit bæði gera okkurt tú hevur áhuga fyri, og okkurt sum hon hevur áhuga fyri, tá tit eru saman.
Tað  er eisini týdningarmikið, at tú fortelur foreldrunum hjá tær hvussu tú hevur tað – tosa við tey og ver opin – tað er so týdningarmikið, tí annars kunnu tey halda at tú bara ert súr og tvør og ikki til at tosa við. Ver opin og sig tína hugsan um hvussu tú hevur tað, bara tað at seta orð á hvussu man hevur tað ger støðuna munandi lættari. Royn tað!

Vónandi hava hesi ráðini hjálpt tær eitt lítið fet víðari, skriva endiliga aftur, um tú hevur hug.

Góða eydnu!

Tú & Eg Ráðgevingin