Góði drongur.

Takk fyri spurningin.

Heilt stutt, Ja, tú ert normal.

Her kemur ein nærri frágeiðing:

Dreingir/ menn fáa standing/stívan /erektion tá blóð-tilrenningin í murtinum/ penis blívur størri enn blóð-frárenningin. Hendan funktiónin er ikki stýrd av vitinum og kann tí onkuntíð henda í minni hepnum støðum, men ofta byrjar standingin við stimulansi av seksuellum slag- man blívur græður. 

Eisini fáa dreingir/menn standing um náttina, tí at blóðrenslið melur runt í kroppinum um náttina fyri at halda kroppin heitan og eisini onkuntíð av seksuellum dreymum.  

Tað er sera ymiskt hvussu følsamur ein er, ella hvussu lítið ella nógv skal til, áðrenn man fær standing. Hartil økist kenslan í murtinum, tá blóð-tilrenningin byrjar at økjast og standingin byrjar (man kallar hetta ofta at hava hálv-feitan/ hálv-stívan murt). Harfrá kann tað fara báðar vegir, man fær standing ella murturin blívur linur.

Tú skrivar, at tú fært stívan, tá tú fleygar tær. 

Hetta vísur á at tín funktión í murtinum/ penis er normal.

Oftast fleygar man sær, tá man er í einum tryggum umhvørvi /støðu og hevur tankar av seksuellum slag.

Tá tú ert í skúla/ klassatímanum er seksuellir tankar kanska ikki í tínum hugaheimi, tí tú allarhelst er upptikin við øðrum tonkum og uppgávum.

Tó er tað eiheldur ónormalt at hava stívan ella hálv-stívan murt í minni hepnum støðum, tí ein ikki fær styrt hesum. Tá ein er tannáringur, so økjast kynshormonirnar í kroppinum og setur nógvar mekanismur í kroppinum í gongd. Kroppurin fer ígjøgnum nógvar broytingar. Hesar broytingar fevna eisini um byrjanina á kynslívinum.

Saman um tikið, er tú heilt normal.

Vinarliga,

Tú & Eg Ráðgevingin