Hey “In love”
Ja hvør segði at tað skuldi vera nemt at vera forelskaður og so omaná tað heila hava eina vinkonu sum eisini er forelskað, tað vil siga at tit báðar ganga smáforvirraðar og forelskaðar rundt og vilja hava forstáilsi hvør frá hvørjum øðrum.

Tit eru 13 ár og skulu royna grensurnar hjá hvørjari aðrari, tað er strævið og kann verða ringt tí nógvar misskiljingar kunnu vera tykkara millum. Nógv hendur í tykkara lívið nú tit eru 13 ár, tað sum tit gjørdu fyri einum árið síðani gera tit kanska ikki í dag.
Tit eru kanska eisini við einum vegamóti, har tit skulu finna útav um vinarlagið hjá tykkum kann bera at tit eru ymiskar. Kanska tit hava brúk fyri at verða saman við øðrum eina tíð, tað nýtist ikki at merkja at tit eru óklárar ella aldrin kunnu fylgjast aftur, meira fyri at tit ikki skulu blíva ordiliga óvinir.

Annars so mást tú mást siga við vinkonuna at um tú skal lurtað eftir henni, má hon eisini lurtað eftir tær. Tá hon sigur at hon ikki skilur teg, tí tær dámar drongin, kanst tú bara verða glað fyri at tit ikki eru forelskaðar í sama drongi. Men hinvegin, kanst tú gott siga við hana at tær dámar hann og at tú verður kedd tá hon allatíð tosar ringt um hann. Hon kann sjálvandi hava sína meining, men tað særir teg tá hon allatíð ger vart við tað.
Góðar vinkonur eru fyri tað fyrsta góðar við hvørja aðra og virða hvørja aðra og virða tað sum hin tímur og tað sum hin ger. Tað skal sostatt vera pláss hjá tær at tosað um hvussu kedd tú verður um tann eina allatíðina skal hava rætt, men hon kann eisini blíva kedd um at tú ikki tímir at lurta eftir henni meira.
Hopi tit finna út av tí og um hetta svarið var eitt sindur fløkjut, so mást tú endiliga skriva aftur til okkara.

Alt tað besta
Tú & Eg Ráðgevingin