Góða/i tú

Tað ljóðar at vera sera hart at vera tú og at tú hevur stríðst síðstu áleið 5 árini, síðani tú misti abba tín. Um vit tosaðu saman hevði eg viljað hoyrt meira um hvørjar tankar tú hevur um deyðan. Men tú kann eisini seta teg niður og skrivað fyri teg sjálva: Hvørjar tankar tú hevur um deyða; hvar heldur tú abbi tín er í dag; hvat abbi tín merkti fyri teg. Skriva niður tankar og kenslur sum verða vaktar í tær, tá tú hugsar um abba tín.

Tað er gott at hoyra at tú hevur hund og ommu, sum merkja nakað fyri teg í dag. Ja, ein dagin fara tey, tað er víst, men beint nú eru tey og tú her. Tú kann hugsa um hvussu tú kann vera meira saman við teimum og venja teg við at hugsa um tær góðu kenslurnar og tankarnar sum tey vekja í tær. 

Tú yvirhugsar og tað kann enda við panikk anføllum. Hvar og hvussu kann tú venja teg at hava hugsi-frí og frið. Er nakað stað har tú følir frið, ella er nakar aktivitetur tú kann gera fyri at venja teg at hava frí og frið fyri tankum? Tað kann vera ymiskt, t.d. at ganga ein túr, teknað, lurta eftir tónleiki v.m. okkurt sum tú tímir at gera. Heilin og kroppurin hava gott at av hava frí og frið viðhvørt, ella blíva vit troytt og útkoyrd, sum ávirkar tankar, kenslur og atferð. 

Hetta kann hjálpa til at tú betur kann orka “teg og lívið” og orka betur vinfólk og bøta um motivasjónina.  

Minst til tað krevur venjing og tá kann tú fáa tað betur. Soleiðis sum tú hevur tað, skal ongin hava tað. 

Tað er gott tú skrivar inn. Til ber eisini at ringja inn og fáa eitt prát á 116 111, tað er eisini anonymt, t.v.s., at vit síggja ikki títt telefonnummar.

Vinarliga,
Tú & Eg Ráðgevingin