Góði J.
Tú hevur ein stóran trupulleika, men fyrst vil eg siga at tú er fantastiska óførur, bæði tí tú hevur roynt at tosa við foreldrini, og tí tú skrivar inn til okkara nú. Systkini hjá tær eru sanniliga heppin at hava teg, í øllum hesum her!
Tað sum nokk er best fyri teg at gera, er at fáa onkran annan vaksnan at hjálpa tær við hesum málinum. Tað kanst tú gera við annaðhvørt at ringja til barnaverndartænastuna og greiða frá støðuni. Har eru dugnalig fólk sum fegin vilja ráðgeva tær og hjálpa tær at loysa trupulleikan. Tær nýtist ikki at uppgeva navn og adressu í fyrstu syftu, um tú ikki vilt. (Barnaverndarstovan hevur tlf: 302495, tey kunnu so vísa tær á barnaverndartænastuna í økinum, har tú býrt).
Blái Krossur hevur eisini ráðgeving til familjur við alkoholtrupulleikum, so hagar kanst tú eisini ringja. Nummarið er: 315575. Har eru somuleiðis fólk, ið kenna hendan vandan væl, og fegin vilja hjálpa.
Tú spyrt um vit kunnu tosa í telefon um hetta, tað kunnu vit gott og tú ert meira enn vælkomin at ringja til okkara á 116 111, mánadag ella hósdag, millum kl. 14.00 og kl. 22.00, so kunnu vit tosa eitt sindur meira um hettar, og saman finna ta loysnina, sum tú heldur vera frægasta.

Góða eydnu!
Tú & Eg Ráðgevingin