Hey og takk fyri brævið !
Ja, tað er keðiligt at fáa slíkar viðmerkingar um vektina, bæði hjá fólki sum viga ov nógv, men sanniliga eisini hjá fólkum, ið eru kløn. Út frá tí, ið tú skrivar, ljóðar tú sum ein sunn og skilagóð genta. Sum nú er, ert tú kløn og kanst eta tað tú vil uttan at taka uppá, men tú hugsar um, um tú fert at blíva tjykri seinni. Okkara kroppar eru ymiskir, summi taka lætt uppá í vekt og onnur ikki. Summi hava somu vekt alt lívið og hjá nógvum broytist vektin. Vit kunnu tó gera okkara fyri at halda eina sunna vekt, og tað er við at eta sunt og røra okkum. Tað er ringt at halda seg frá ósunnum, men man kann royna at avmarka seg soleiðis, at man bert etur ósunt í vikuskiftum ella onkrar ávísar dagar. Í ár er kostár, so um tú fylgir við í miðlunum og líknandi, fer tú óivað at fáa nógv góð ráð viðvíkjandi sunnum kosti og heilsu. Eisini eru heimasíðir sum t.d. www.altomkost.dk , ið er um mat.  

Blíðar heilsur  
Tú & Eg Ráðgevingin