Hey!
Hvít tunga, ella tá ein gerst hvítur omaná tunguni, kann tað hava ymiskar orsøkir. Tó er lungnakrabbi ikki ein orsøk. Orsøkirnar kunna t.d vera, deyðar húðkyknur, sum leggja seg á tunguna. Hetta hvørvur, tá ein bustar tennirnar og tunguna regluliga. Ein kann eisini fáa eina hvíta yvirflatu á tunguna, av einari sokallaðum soppabruna. Hettar kemur av einum soppi, sum eitur candida, og vit hava hendan soppin á okkum. Hann er pinkalítil og sæst ikki og er heldur ikki farligur. Um vit blíva sjúk ella taka onkran heilivág, sum ávirkar okkara immunverju í kroppinum ( tann verjan, ið hjálpir okkum at halda okkum frísk), so kann hesin soppurin vaksa og t.d. gera tunguna hvíta.   Tað eru nógv ymisk sløg av kreft, eisini kallað krabbi. Tað er ringt at siga øll tekini, á teimum ymisku sløgunum, men um man t.d. bløðir úr opningunum í kroppinum ella kennir seg illa til passar, hevur ringan matarlyst og orkar lítið í longri tíð, so eigur ein at fara til lækna og kanna, hvat kann vera orsøkin.
Vónandi kundi svarið hjálpa tær, og tú er altíð vælkomin at skriva aftur til okkara.

Vinarliga heilsan
Tú & Eg Ráðgevingin