Hatta skal tú ikki finna teg í. Tú skal fara beint til vinkonuna hjá tær og siga sum er, at tú ikki finnur teg í at blíva sligin og sparkað, og at tú gerst ordiliga kedd, tá hon tosar ljótt um teg við onnur. Hetta kann kanska hava við sær, at hon líka hugsar seg um næstu ferð øðin kemur í hana. Tað kann eisini vera, at tað er okkurt í lívinum hjá henni, sum ikki er sum tað skal verða fyri tíðina, og at hon tí reagerar soleiðis. Tað ljóðar sum um tú hevur aðrar vinkonur, so tú hevur onkran annan at tosa og fylgjast við. Kanska kanst tú fylgjast meira við teimum um tú hevur hug til tað? Men sig frá, tá tað er okkurt tú ikki vil finna teg í, og minst til, at fyri tí um vinkonan hjá tær er soleiðis beint nú, so kann hon gott broytast aftur.

Vinarliga
Tú & Eg Ráðgevingin