Góða Genta
Tú sigur, at tú skrivaði inn tá heimasíðan byrjaði og hevur einki svar fingið enn og tú virkar at vera rætliga óð og kedd um tað. Vit eru sjálvandi hørm um hetta, har kann verða hendur onkru feilur, vit kunnu ikki siga fyri vist hvat. Men tú skrivar ikki hvat Dulnevni tú nýtti og hvat stóð í brævinum, so eg kann ikki kanna um tað liggur á heimasíðuni. Heimasíðan byrjaði 1. febuar 2006, so um tú ikki finnur svarið til brævi hjá tær har, so er tað á ein ella annan hátt blivið vekk hjá okkum og tað er sjálvandi harmuligt.
Eisini skrivar tú at tað vóru spurningar sum meina nógv fyri teg. Tað ivist eg ikki eina løtu í og vil eg heita á teg, um at skriva eina ferð enn um tínar trupuleikar, so fáa vit aftur ein møguleika at svarað tær. Tú er eisini vælkomin at ringja og tosa við okkum ella eisini kanst tú kjatta við okkum tá ráðgevingin hevur opið mánadag og hósdag frá klokkan 14.00 – 22.00.

Vinarliga
Tú & Eg Ráðgevingin