Hey Lítli
Takk fyri brævið, sum er ógvuliga viðkomandi. Tað eru nógv mannfólk sum ganga við somu tankum sum tú. Faktiskt so vísa kanningar, at flestu mannfólk halda at tey hava lítlan penis, so tú ert ikki einsamallur. Ja, flestu okkara eru eisini ónøgd við okkurt á kroppinum.
Tað finst einki sum kann gera at ein penis verður størri. Á alnótini verður dúgliga reklamerað við ymsum, sum kann gera penis størri, men tað vísir seg, at hesar metodur virka ikki. So tú noyðist nokk at arbeiða við at góðtaka tína útsjónd. Eg vil tó ráða tær til at fokusera uppá teir partarnar av kroppinum hjá tær, sum tú ert nøgdur við! Inni á Eg & Lívið undir teiginum kynslív kanst tú lesa um penis longdir og ymiskt annað um kynslív.

Vinarliga
Tú & Eg Ráðgevingin.