Hey tú við dulnevninum lonely girl!
Tað er gott at tú roynir at broyta tína keðiligu støðu. Tað sum eg skilji á tínum brævi, so hevur tú trupulleikar við at blíva góðtikin sum tú ert, og at tað ikki hevur hjálpt  at tosa við vaksin, ei heldur sálarfrøðing. So tað er ein trupul støða, tú ert í. Tað sum eg kann ráða tær til, er at arbeiða við tær sjálvari, við at hava positivar tankar um tíni ynskir og vónir til sambandið við onnur. Tað kann vera, at tú ert komin í ein ringan sirkul, við at bara hava ringar tankar um onnur menniskju, tí tað hevur verið tað, sum tú oftast hevur upplivað. Tað er tað sama sum, at ein vaknar um morgunin og hugsar, at hesin dagurin verður ræðuligur, og so er tað rættliga sannlíkt, at dagurin verður ræðuligur. Vónandi fært tú brúkt hetta svar til okkurt gott. Annars so ert tú vælkomin til at venda tær aftur til Tú & Eg Ráðgevingina.

Vinarliga
Tú & Eg Ráðgevingin