Góða “M….”
Takk fyri brævið og tey penu orðini um heimasíðuna. Gott at tú kanst brúka hana.
Einastu møguleikarnar at staðfesta um man er við barn, er at taka eina graviditets test, ella at fara til lækna og verða kannað. Graviditetstestir kanst tú keypa á Apotekinum ella í onkrum handlum, sum selja slíka vøru .
Um tú ikki vil keypa testina sjálv, kanst tú kanska fáa onkran annan at keypa hana fyri teg.

Mítt besta ráð er, at tú tosar við læknan hjá tær. Læknin hevur tagnarskyldu og kann vegleiða teg um fyribyrging, so tær ikki nýtist at ganga runt og verða bangin fyri at vera við barn

Vinarliga

Tú & Eg Ráðgevingin