Hey tú við mánasjúku spurningi!
Mánasjúkan  kemur, tí rovan í lívmóðrini dettur av , um ein ikki verður við barn tann mánaðin, og samstundis bløðir tað meira ella minni. Sostatt er klumpurin, sum tú hevur sæð, helst rovaslímhinna ella ein sveiti, sum kann koma, tá talan er um nógva bløðing.
Tað er heilt vanligt,  at tað kunnu koma slintrar og klumpar saman við blóðinum teir fyrstu dagarnar, og tá er ofta eisini ein løtt pína, og lívmóðirin tømir seg.. Teir seinastu mánasjúkudagarnar er vanligt, at tað bert er myrkt blóð, sum kemur frá lívmóðrini og út frá vaginu.

Vónandi ert tú rólig um, at alt er í lagi.
Heilsan
Tú & Eg Ráðgevingin