Tað fyrsta eg vil ráða tær til at hugsa um er, um tú sjálv heldur at tú ert broytt síðani jól? Tú kanst eisini hugsa um, um tú ert samd í tí sum hon sigur, at tú hevur sagt ósatt fyri henni ella baktalað hana. Um tað er so, at tú hevur gjørt hesi tingini, so kanst tú umhugsa um tú ynskir at broyta tað ella ikki. Um tú ikki sjálv kennir tað aftur sum hon ákærir teg fyri, so kundi tú eisini roynt at tosa við hana um hvat tað er sum er broytt tykkara millum. Tú kanst til dømis spyrja hvat hon meinar við, tá hon sigur at tú hevur logið og baktalað. Tú kanst so eisini greiða frá, hví tú gert sum tú gert, og um tú kanst broyta tað.
Í síðsta enda er tað tú sum ger av, um tú ynskir at broyta nakað ella ikki. Tað avhongur jú eisini av, um tú sjálv heldur at tú hevur gjørt nakað galið.

Vita um hettar riggar og skriva endiliga inn aftur um tú hevur tørv á tí.

Vinarliga
Tú & Eg Ráðgevingin