Hey tú
Tað er vist nokk eingin ivi í at tú hevur eitt stórt problem. Men eg má siga, at tú dugir virkuliga væl at greiða frá tínari støðu, sum ikki er nøkur løtt støða at vera í.
Men tú spyrt til allar síðst um tú skal fara at tosa við ommu tína, ja tað hevði eg gjørt. Tað er líka sum um at hon er tann “reyði tráðurin” gjøgnum alt brævið hjá tær og eisini gjøgnum alt tað sum er hent í lívinum hjá tær, mammu tíni og pápa tínum. Omma tín er tann sum hevur sagt frá tá hon hevur hildið at tingini ikki eru gingin rætt fyri seg og hon er tann, sum tit hava størst trupulleikar við. Eg kundi hugsa mær at tað hevði verið gott fyri tykkum øll – teg, mammu, pápa og ommu tína – at tit fingu tosa saman og sagt tykkara hugsa um tingini. Tað kann vera ringt, tað kann vera at onkur verður illur, fer at skelda og verður keddur, men tað ger einki. Tá man hevur trupulleikar tekur tað sína tí at loysa trupulleikarnar og tað kann vera hart. Men hugsa tær, at hvis tit nú fingu tosa út um alt tað sum er hent gjøgnum lívið, alt tað sum bara er blivið ósagt og sum øll bara hava tosa í loyndum um? Hvussu ljóðar tann tankin, er tað nakað sum tú kundi hugsa tær hendi?
Eg veit væl at omma tín hevur sagt at tú ikki skal siga tingini víðari og at pápi tí hevur sagt nei til at tosa við ommu tína. Men hvis tú vil tosa við ommu tína so ger tað og sig so við hana, at tað er týdningarmikið fyri teg at fáa tosa við hana, tí tað er so nógv tú kundi hugsa tær at sagt við hana. Og minnst so til at tá man skal tosa eitt sovorið álvarsprát, so nyttar einki at leggja út við at siga: “eg hati teg…..bla bla bla”, men kanska “at tað er nakað sum tú er kedd av og sum tú gjarna vil tosa við hana um osv”.
Hopi at svari hevur hjálpt tær á veg og ring endiliga til okkum aftaná summarfrítíðina, ella chatta um tú hevurmøguleika fyri tí.
Góða eydnu við øllum.
Tú & Eg Ráðgevingin
