Hey tú, sum ert óttafullur og stúrin um ein bestemtan part av tínum kroppi.
Tað er ringt at ráðgeva tær bert eftir brævinum. Um tú ikki hevur nakað fortreð annars og tað bert er reydligur myrkur húðalitur á kynsgøgnunum, kann hettar vera normalt , so eg haldi tú skalt fara til tín lækna og tosa um trupulleikan og verða kannaður. Minst til, at fyri læknan er tað heilt vanligt at kanna tað privata og intima á kroppinum. Viðvíkjandi glíðikremi so hava øll apotek hettar, men tú noyðist at spyrja eftir tí í hondkeypssøluni. Um tú ert ov smæðin at tosa við eina kvinnu, kanst tú biðja um at tosa við ein mann. Haldi ikki tín trupulleiki ljóðar so álvarsligur, men far og verð kannaður, tað er nógv betur enn at óttast og stúra.
Bestu heilsur Tú & Eg Ráðgevingin
