Góði Tú,

Takk fyri spurningin

Tað er ikki vanligt at fáa “alvorliga pínu” tá ið ein kemur. Tað er sunt at fleyga sær. Tað kennist gott, og tað fær vanliga kroppin at slappa av. So onani er ikki nakað, vit vanliga seta í samband við høvuðpínu.

Tað er tó vanligt at hava høvuðpínu av og á.  Tað hava øll menniskju, og tað kunnu tað vera nógvar orsøkir til.
Til dømis kann tað vera at tú drekkur ov lítið av vatni, svevur ov lítið, strongd, forkelilsi, v.m.
Tað at snúsa, er nakað vit mæla frá. Slíkt hevur keðiliga ávirkan á kropp og heilsu. Vit kunnu ikki við vissu vísa á, hvørja ávirkan hetta hevur í samband við tína støðu, samstundis sum vit ei heldur kunnu avsanna at hetta hevur eina møguliga ávirkan.

Tað hendir nógv í kroppinum, tá ein kemur. T.d. fer blóðtrýstið upp, og ein fær nógvar skjótar samanringingar í vøddunum, serliga rundan um kynsgøgnini.

Tá tú skrivar, at tú fært “alvorliga pínu”, vilja vit ráða tær til, at seta teg í samband við tín kommunulækna, ella tosa við heilsufrøðingin á skúlanum, sjálvt um tú ikki hevur hug.

Vinaliga,
Tú & Eg Ráðgevingin