Góða Tú

Takk fyri at tú skrivar inn til okkara.

Tað er deiligt, at tú hevur møtt einum at tosa við. Tað ljóðar, sum um tit kunnu tosa um nógv – um ikki næstan alt 🙂 Tað er ordiliga gott. Faktiskt, haldi eg, at tað sum tú skalt gera, er bara at halda fram við tí – at tosa væl við onkran!

Veist tú hvat? Tað eru nógv, sum ikki hava havt sjeik ella damu tá tey eru 17 ár. Tað er púra normalt og hevur einki við kroppin ella sinnið at gera.

Tá ið ein er tannáringur, henda nógvar kropsligir broytingar, og viðhvørt henda broytingarnar so knappliga, at ein líka skal venja seg við tær. Tá ið kroppurin er í broyting,  kann ein ofta hugsa eitt sindur neiligt um seg sjálvan í eina tíð. Tú kanst royna at lesa eitt sindur um tað her, og vita um tú finnur tað, sum tú leitar eftir. Um ikki so skriva ella ring endiliga aftur til okkara.