Hey hey tú, ið hevur dulnevnið SOO nógv..
“At elska er at liva”, hesi kendu orðini hevur tú kanska hoyrt. Tað er gott at elska og at vera góður hvør við annan, tað er ein góður eginleiki, ein dygd at hava. –  Vit geva og fáa. Vit eru sum menniskju ógvuliga ymisk, eisini tá ið tað snýr seg um kenslulív. Tú sigur sjálv at tú innlivir teg so nógv og fært so nógvar kenslur. Tað at tú ert ung, kann sjálvsagt hava sína ávirkan, kenslurnar kunnu vera meira viðbreknar og torførar at stýra í ungdómsárunum. Tú kennir ikki heilt teg sjálva og títt kenslulív enn. Í ungdómstíðini  koma nógvar nýggjar kenslur inn í lívið. Tú viðgongur , og sigur sjálv at hetta er ov nógv fyri teg til tíðir. Tá kann tað vera torført at halda skil á øllum hesum kenslunum. Ein hjálp hjá tær kundi verið at skriva niður, skriva dagbók, brøv, skriva kenslurnar niður sum tú hevur. At fáa sett orð á kenslurnar hjálpir. Tað kann hjálpa tær at rudda upp í høvdinum. Eisini kann tað hjálpa at fáa tingini søgd, við rætta persónin. Um tú t.d fært sagt við tín lærara, at tú hevur verið glað fyri tíðina í skúlanum og tú setir prís uppá at verða komin at kenna hannhana o.s.fr. Tað snildasta fyri teg er at finna eina loysn, sum hóskar seg best til tín. Nøkur elska at skriva yrkingar, onnur tekna, mála, onnur skriva, møguleikarnar eru fleiri.
Ynski tær góða eydnu víðari í lívinum!
Heilsan Tú & Eg Ráðgevingin