Hey tú, ið hatar títt útflot!
Tað er rættiliga óbehagiligt at hava nógv og illaluktandi útflot. Tað fyrsta, sum tú skalt gera, er at fáa tað kannað, hví tað er so nógv og luktar so illa. Tað kunnu vera nógvar orsakir til tað. Tað er als ikki gott at ganga við tí sjálvur. Um tú hevur bruna ella okkurt annað, eigur tú at fara til læknan skjótast gjørligt, so at tú kanst byrja í viðgerð fyri at blíva frísk. Tann viðgerðin er oftast ein kurur av tablettum, og vanligt er, at ein blívur frískur eftir nakrar dagar. Tú sigur einki um litin á útflotinum, men um talan er um bruna ella t.d. sopp, gerst útflotið ofta litað og tjúkt og ikki so klárt, sum tað eigur at vera.
Um tú ikki vilt fara til læknan, kanst tú biðja heilsufrøðingin í skúlanum hjálpa tær. Tú kanst senda henni eitt teldubræv, har tú greiðir frá trupulleikanum. Tú finnur hennara teldupostadressu við at fara inn á www.gigni.fo, har tú eisini kanst velja at vera dulnevnd.
Bestu heilsur
Tú & Eg Ráðgevingin
