Góða genta 17 ár!
Tað er tíverri ongin effektiv viðgerð av strekkmerkjum. Hesi eru komin tí bróstini  so knappliga vuksu,  sum tá ein er við barn. Helst fitnaði tú eisini nakað tá. Strekkmerkini  kunnu minka og blikna , um tú lætnar eitt sindur og fært sól á bringuna. Ongin salva kann “lekja”  hesi merkini, sum eru varandi  broytingar djúpt í húðini.
Um tú onkuntíð vil vera so niðurringað kanst tú brúka sminku á tey.  Endiliga er ofta lítið ljós um ein fer í býin, so ongin fer at leggja tey til merkis.   Og ugga teg við, at tað ikki er ein sjúka.
Við heilsu
Tú & Eg Ráðgevingin