Hey!
Takk fyri brævið! Tað er deiligt at hoyra, at tú hevur tað betri – at tú ert glað, og hevur drukkið minni. Tað er eisini gott at hoyra, at tú ert farin at tosa við tínar vinir. Tað hjálpir jú ofta at tosa við onkran um tað sum er trupult.
Vit á ráðgevingini eru eisini sera fegin um, at tú ert glað fyri heimasíðuna!!
Eg skilji væl, at tú ikki hevur hug til at skriva um allar tínar trupulleikar á heimasíðuni. Men sum sagt, ert tú altíð vælkomin til at ringja til ráðgevingina. Á tann hátt sleppur tú jú undan at nakar annar fær nakað at vita um tína støðu. Tú ert sjálvandi eisini altíð vælkomin at skriva aftur.

Blíðar heilsur,

Tú & Eg Ráðgevingin