Góði “Tann óttafulli og stúrni”
Tað er ógvuliga ymiskt, hvussu ofta fólk hava tørv á at onanera, og tað kunnu vera tíðarskeið, ið ein onanerar meira enn í øðrum tíðarskeiðum. Tað er heilt rætt av tær ikki at onanera so ofta, nú tú hevur fingið irriteraða og turra húð. Tú eigur avgjørt at fara at brúka intim krem at smyrja í neðra minst morgun og kvøld og eisini brúka tað, tá tú onanerar. Hettar verjir húðina og ger hana minni turra. Um tú rakar tær i neðra,  er best ikki at raka tætt, tí hettar irriterar eisini. Tú skalt eisini ansa tær við sápu, hægst vaska tær við henni einaferð dagliga, og so skal tað helst vera ein pH neutral ella intim sápa. Intim krem og sápa kann ein keypa á Apotekinum, men eisini  í størri handlum. Alment fyri húð irritation er at mekanisk ávirkan, sum  onani í hesum førinum, ov tættsitandi cowboy buksur ella t.d. um tú súkklar nógv og saðilin ikki passar væl, kann  gera tað verri. Um tú ofta ert ov heitur og sveittar , kanst tú gerast avtikin Eitt síðsta er at hugsa um kemisk evni, um ein tolir tað klæðini verða vaskað í, um tú brúkar luktilsi ella spray ella deodorant,  og um tú tolir tað. Ráðini eru at brúka minni ella gevast heilt at brúka tílíkt. Um tú heldur  áfram , eigur tú bert at brúka  evnini uttan parfumu tilsett og umhvørvis vinarlig.

Bestu heilsur Tú & Eg Ráðgevingin