Góða tú sum heldur teg vera ov lætta.
Ja, vektin kann vera eitt evigt problem! Er tað ikki ov nógv, so er tað ov lítið.
Út frá tínum brævi haldi eg kortini ikki at tær nýtist at vera bangin. Summi eru bara soleiðis skapt at tey eru kløn, og onnur eru soleiðis at tey taka lætt uppá. Tað sum mest ræður um er at eta sunnan mat, og tað ljóðar tað sum at tú gert.
Tað er eisini ordiliga gott at tú sigur við hini, at tey ikki skulu máta seg við teg, tí man kann veruliga eisini vera ov klænur.
Eg veit ikki um tú ert kedd av at vera so kløn, men eg trúgvi ikki at tað hjálpir tær at eta meira. Tí soleiðis ert tú. Tað sum tú møguliga kundi gjørt er at byggja vøddarnar upp, so teir fylla meira, tað kann geva gott úrslit. Tað kanst tú gera við at íðka onkran ítrott.

Góða eydnu!
Tú & Eg Ráðgevingin