Góða ”Tann SERA kedda gentan” lolelol
Skilji at tú ert í einari ógvuligari tungari støðu fyri tíðina. Hetta er sjálvsagt. Gott at tú sendir okkum eitt bræv.

Hvørki tú, vinkona tín ella stórasystir vinkonu tína hava nakra skuld í hesum máli – men tit eru allar raktar á ymskan hátt. Hetta er ikki rættvíst.

Pápi tín er tikin frá tær, tú ert skild frá vinkonu tíni – alt saman undir ógvusligum og viðkvæmun umstøðum. Kann hugsa mær at flestu royna at hjálpa stórusystrini beint nú (sum sjálvandi hevur brúk fyri hjálp), men kanska gloyma tey, at bæði tú og vinkona tín eisini eru hart raktar av hesum málinum?

Haldi tað er ógvuliga umráðandi, at tú fært tosað við ein vaksnan persón um støðuna. Í fyrstu syftu kundi tú valt at tosa við t.d. ein lærara tú tosar gott við, ella heilsusystrina á skúlanum. Altso ein, sum stendur uttanfyri báðar familjurnar. Greið læraranum ella heilsusystrini frá støðuni, og bið hannhana um at seta seg í samband við mammu tína. Hetta kundi kanska gjørt, at tú eisini fekk hjálp, og at umstøðurnar blivu betri.

Veit at alt sær svart út beint nú, men eg rokni eisini við, at nógv ting verða lættari hjá tykkum við tíðini. Men hetta skal sjálvsagt ikki halda teg frá at biða um hjálp – slettis ikki!

Tú ert eisini vælkomin at ringja inn til ráðgevingina á tlf. 116 111.

Vinarliga
Tú & Eg Ráðgevingin