Spurnarkassin: Genta, 14 ár spyr

Tími ikki at búgva heima longur..

Spurningur:

Ber tað til at man sjálv kann ringja til barnaverndina um man ikki vil búgva heima longur?

Svar:

Góða tú, ið ikki tímir at búgva heima longur!
Tú kanst gott sjálv ringja til Barnaverndarstovuna, har tú kanst fáa vegleiðing,  ella kanst tú  fara  inn á www.bvs.fo har tú sært, hvørja barnaverndartænastu, ið tú skalt ringja til og teirra telefon-nummar. Tú hevur tínar grundir til ikki at vilja búgva heima longur, sum tú ikki kemur inn á í hesum brævinum. Um tú vilt hava luft fyri tí ella hevur aðrar spurningar ella hevur brúk fyri hjálp, kanst tú altíð venda tær aftur til okkara , antin umvegis telefon ella teldubræv.

Alt tað besta! Tú & Eg Ráðgevingin