Góða tú

Takk fyri brævið.

Húðin á undirlívinum er serliga sensitivt, og hetta ger at man kann fáa ymsar trupulleikar, sum t.d. irritatión, óbalansa og í ringasta føri, kynssjúkur, eftir samlegu.

Tað finnast nógvar ymsar orsøkir til at man kann fáa bløðrur á undirlívi, so sum herpes og kondolymir. Vit kunnu tí einans ráða tær til, at fáa avklárað hvat orsøkin til bløðruna er. Tað er ógjørligt hjá okkum at staðfesta, so vit kunnu einans ráða tær til at tosa við tín lækna.

Nógvar kynssjúkur smitta eisini umvegis oralsex. Herpes er ein av teimum mest vanligu. So vit kunnu einans ráða tær til at fara til læknan.

Sum útgangsstøði stendur í lógini at foreldramyndugleikin skal fráboðast um man fer til læknan. MEN, tað eru ymsar vegleiðingar til hasa lóggávuna, sum eisini eru galdandi í Føroyum. Í stuttum merkir hetta at kommunulæknin kann meta um tína persónligu støðu, og síðan avgera um tú kann fara til lækna, uttan at foreldrini fáa tað at vita.

Vinaliga,
Tú & Eg Ráðgevingin