Heilsan
Ein ið onki veit

Góða Tú ið onki veit
Eg fari allarfyrst at umberða, at tú ikki hevur fingið svar uppá tey brøv tú hevur skriva, um tað er skriva í summar, so kann tað verða vegna ferðiuna. Vit eru byrja aftur nú og eru afturút við at svara brøvum. Gott at tú skrivar aftur hóast tað!!
Tú hevur nokk at stríðast við, og tað ger ilt at lesa brævið hjá tær, at tú skal verða útfyri happin sum er eitt tað ringasta man kann uppliva, bæði sum barn og vaksin. Tú ert jú nógvar tímar í skúlanum og tað skuldi helst verið eitt gott stað at verið – men so er ikki altíð, og slett ikki í tínum føri.
Tað er gott at tú fær hjálp fyri tí seksuella ágangi, ið tú hevur verið útsett fyri.
Eg skilji gott at tú hevur hug at skifta skúla, og tá tú nevnur at nissan fylgjur so er tað uttan iva partvíst so. Í tí sambandi hugsi eg, at tað má hava týdning at tú og foreldur tíni eru uppmerksom uppá tað, kanska kannst tú tosa við psykologin um tað eisini.
Tað er onki at ivast í at nissan kann verða ring at rista av sær, men tað er meira enn so, eisini so at tað kann verða gott við einum skifti. Tað ljóðar sum um tað er ringt hjá tær at fáa eina aðra rollu í skúlanum, so eitt skifti hevði kanska verið uppá pláss hjá tær nú. Men tú skal nokk hava hjálp og stuðul í tí sambandi so tú ikki risikerar at alt endurtekur seg.

Kærar heilsur og góða eydnu við øllum.

Tú & Eg Ráðgevingin