Hey!
Tað er keðiligt at hoyra, at tú verður happað. Men tað er ringt at hjálpa tær við happingar trupulleikanum, tá tú ikki skrivar nakað um hvør happar og hvat tey, ið happa siga ella gera.
Um tú vilt hava nøkur ráð til hvussu tú sleppur undan happing, kanst tú skriva aftur til okkum um hetta. Ella tú kanst ringja til “Tú & Eg Ráðgevingina” mánadag og hósdag millum 14 og 22 á tlf. 116 111, har tú kanst tosa við onkran vaksnan ráðgeva, ið vónandi kann hjálpa tær.

Til spurningin um at fara ella hava verið í song við einum drongi, kann eg upplýsa teg um, at tað ikki er loyvt at fara í song við einum, ið er undir 15 ár. So spurningurin er, um tú ikki burdi bíða við at gera tað aftur, sjálvt um tú helt tað vera lekkurt. Tað er so nógv sum annað sum kann verða gott.

Vónandi hava tit brúkt fyribyrging tá tit vóru saman, tí tað at fara í song saman er ikki bara spennandi, tað inniber eisini ein vanda fyri at fáa kynssjúkur, og at gerast við barn. Og hetta er ein stór ábyrgd tá man bert er 14 ár.

Vinarliga

Tú & Eg Ráðgevingin