Hey.
Voks brúkar man til at royta kropshárini av við. Man fær ymisk sløg av voksi. Tað eina slagið eru lidnir strimlar við voksi á, sum man klistrar á húðina, og so hálar av. Man fær eisini voks, sum man hitar (t.d. í mikroovni), áðrenn man smyr tað á húðina, leggur toy strimlar á, og so hálar hárini av. Man fær eisini krem til at fjerna hár við. Hetta smyr man á húðina, letur tað vera á eina løtu, og skavar so við einum pinni bæði hár og krem av aftur.
Óansæð um tú brúkar krem ella voks, so stendur tað á pakkanum hvussu tú ger. Og minst endiliga til at lesa væl hvat stendur á pakkanum. Tú kanst eisini spyrja teg fyri í handlinum har tú keypir hesa vøru. Tey sum arbeiða í slíkum handlum kunnu vegleiða tær í hvussu tú brúkar tey ymsu sløgini av voks.

Vinarliga
Tú & Eg Ráðgevingin